網紅的藏寶箱散戶日等夜等，都係想要一個強勁的反彈，講真呢兩星期的確就較少，最多都係大幅高開然後低收，非常弱雞，好喇，昨晚納指報復性反彈3.7%，Tesla急升20%，契媽被契仔們唾棄咁多日之後，都升返一成，相信只要A股無乜太大異樣，今日港股有條件做返個靚反彈。
如果覺得早前好難挨，今日應該係減倉的好時機，認真諗吓邊啲股之前一直想走而又唔捨得，千萬唔好做「低又唔斬，彈又唔減」，又同自己講，這些係長線投資嚟嘅，呢錢唔急用嘅，阿邊個專家話呢隻唔怕坐的，等佢返家鄉先算啦，果真如此，早前應該坐得好舒服啊，唔會覺得好難挨嘅。
認真睇住自己的現金水平，如果每次急插完反彈，現金水平都係持續下降，即係愈買愈多嘢，防守力自然減弱，再跌就唔好呻難挨了。
Search